မှုခင်းကျဆင်းရေးလုပ်ငန်းညှိနှိုင်းအစည်းအဝေးကျင်းပ
မကွေးတိုင်းဒေသကြီးတရားလွှတ်တော်နှင့်ခရိုင်တရားသူကြီးများ၊ မြို့နယ်တရားသူကြီးများ၏မှုခင်း ကျဆင်းရေးလုပ်ငန်းညှိနှိုင်းအစည်းအဝေးကို ၉-၁၁-၂၀၂၄ ရက်နေ့ နံနက် (၉)နာရီအချိန်က မကွေးတိုင်း ဒေသကြီးတရားလွှတ်တော်အစည်းအဝေးခန်းမ၌ ကျင်းပခဲ့ရာ မကွေးတိုင်းဒေသကြီး တရားလွှတ်တော်တရားသူကြီးချုပ် ဒေါ်မိမိမော်မှ အဖွင့်အမှာစကားပြောကြားခဲ့ပါသည်။
အဆိုပါအစည်းအဝေးတွင် မကွေးတိုင်းဒေသကြီးတရားလွှတ်တော်တရားသူကြီးချုပ် ဒေါ်မိမိမော်က မှုခင်းလက်ကျန်များအခြေအနေနှင့် ကြန့်ကြာမှုခင်းများအမြန်ပြီးပြတ်စေရေး၊ မြန်မာ့စီးပွားရေး ဘဏ်မှတရားစွဲဆိုခဲ့သောအမှုများ အခြားပုဂ္ဂလိကဘဏ်များမှ စွဲဆိုထားသောအမှုများ အမြန် ပြီးပြတ်စေရေး ဆောင်ရွက်သွားရန် မှာကြားခဲ့ပါသည်။
တရားလွှတ်တော်တရားသူကြီးများဖြစ်သည့် ဒေါ်သင်းသင်းချိုနှင့် ဒေါ်ခင်နှင်းထွဋ်တို့မှ မှုခင်းများ ကျဆင်းရေးနှင့်ပတ်သက်၍ အသီးသီးဆွေးနွေးပြောကြားခဲ့ပြီး တိုင်းဒေသကြီးတရားရေးဦးစီးမှူး ဦးခင်မောင်မြင့်က တရားစီရင်ရေးဆိုင်ရာကိစ္စရပ်များကို လည်းကောင်း၊ စီမံခန့်ခွဲရေးဆိုင်ရာကိစ္စရပ် များနှင့်ပတ်သက်၍လည်းကောင်း မှာကြားခဲ့ပါသည်။
ဆက်လက်ပြီး အစည်းအဝေးတက်ရောက်လာကြသည့် ခရိုင်တရားသူကြီးများက မိမိတို့ခရိုင် အတွင်းရှိတရားစီရင်ရေး၊ စီမံခန့်ခွဲရေးကိစ္စရပ်များကို အသီးသီးတင်ပြခဲ့ကြပြီး မကွေးတိုင်းဒေသကြီး တရား လွှတ်တော်တရားသူကြီးချုပ်က နိဂုံးချုပ်အမှာစကားပြောကြားခဲ့ပါသည်။အခမ်းအနားသို့မကွေးတိုင်းဒေသကြီးတရားလွှတ်တော်၊ မကွေးခရိုင်တရားရုံး၊ မကွေးမြို့နယ် တရား ရုံး၊ မင်းဘူးခရိုင်တရားရုံးနှင့် မင်းဘူးမြို့နယ်တရားရုံးတို့မှ တရားသူကြီးများ/ တရားရေး အရာရှိ ( ၂၉ )ဦး တက်ရောက်ခဲ့ပြီး ကျန်ခရိုင်နှင့်မြို့နယ်တရားရုံးတို့မှ တရားသူကြီး( ၄၈ )ဦး မှာ Online စနစ်ဖြင့် လည်းကောင်း၊ စုစုပေါင်း ( ၇၇ )ဦးတက်ရောက်ခဲ့ကြပါသည်။
